加拿大總理 Mark Carney 呼籲美國、以色列與伊朗衝突中各方必須遵守國際法，避免攻擊平民或民用基建。

Carney喺安省布蘭普頓（Brampton, Ontario）記者會上表示：「加拿大期望所有衝突各方都要尊重國際法律，唔可以針對平民或平民設施。我哋敦促各方履行呢啲責任。」

佢嘅言論係因應美國總統 特朗普 (Donald Trump)  最新威脅，聲言「一個文明今晚將會消失」。特朗普多次警告，若伊朗唔開放霍爾木茲海峽，美國將攻擊其民用基建。聯合國秘書長 António Guterres 已指出，呢種行為明顯違反國際法。

Carney暗示特朗普公開講嘅未必等於實際行動：「公開講同私下做之間往往有差距。」佢提到特朗普過往多次收回威脅以追求快速交易，評論界甚至用「TACO」（Trump always chickens out）形容其反覆。

目前，美以已對伊朗發動數千次空襲，造成逾 1,900人死亡。伊朗則以導彈及無人機反擊以色列及海灣國家。被問到加拿大最初支持戰爭是否後悔，Carney重申伊朗長期支持恐怖主義及追求核武，仍然係加國關注焦點。

🔗資料來源: https://ca.news.yahoo.com/carney-urges-parties-iran-war-014118601.html