安省 (Ontario) 一個家庭正努力保護心愛嘅六歲狼狗混種 Onyx，因為 安省自然資源部 (Ministry of Natural Resources, MNR) 表示，待 DNA測試結果出爐後，可能會強制沒收。

主人 Heaven Furoy 指，Onyx 由南安省一間已停業嘅繁殖場售出，當時被告知合法。她形容 Onyx 為「溫柔巨人」，雖然訓練較難，但已成功社會化，現時與年幼家庭一同生活於
Hanmer。

Furoy 擔心，如果 Onyx 被送往收容所，因未曾生活於狼群環境，會感到孤獨：「Onyx 唔係野生動物，佢習慣咗家庭生活。」

動物行為專家 Jack Donovan 指，狼狗雖保留部分狼性，但好多已無法獨立在野外生存。他認為，政府應該考慮動物嘅環境同行為，而唔係單靠 DNA 判斷。

鄰居亦表達支持，形容 Onyx 友善，係社區受歡迎嘅存在。不過，專家提醒狼狗可能存在不可預測性，而安省暫無計劃修改相關規管。Onyx 嘅命運，將取決於即將公布嘅 DNA結果。

🔗資料來源: ​​https://www.cbc.ca/news/canada/sudbury/wolf-dog-onyx-9.7215399