面對經濟不穩及即將來臨的大規模按揭續期潮，加拿大（Canada）業主正尋求更靈活的財務方案。一項較少人認識的選擇——混合式按揭（Hybrid Mortgage）——正悄然回歸市場。此類按揭結合固定利率與浮動利率元素，為借款人提供一種在穩定與彈性之間取得平衡的方式。然而，儘管具備策略優勢，市場接受度仍然偏低。

混合式按揭將貸款分為兩部分：一部分採用固定利率，另一部分則為浮動利率。此結構讓借款人可在利率波動中分散風險。雖然大部分主要銀行仍有提供此類產品，但需求明顯不足。Butler Mortgage 的按揭經紀 Ron Butler 表示：「所有銀行都仲有提供，但冇人想要。混合式按揭比十年期按揭仲唔受歡迎，而十年期按揭都只係得大約百分之三嘅業主會揀。」

Butler 認為，這種情況源於消費者習慣根深蒂固及對產品的懷疑態度。他指出，即使在 2021 年五年期固定利率跌至 固定 vs 浮息按揭太難揀？加拿大有 Hybrid Mortgage，加拿大人對十年期按揭（利率為 2.29%）仍然興趣缺缺。「冇人揀十年期，因為佢永遠都貴啲。」他補充：「混合式按揭最大問題係你永遠都係『一半錯』，大家寧願搏一搏。」

儘管市場反應冷淡，一些專家認為混合式按揭在當前複雜的金融環境中仍具價值。約克大學 (York University）舒立克商學院 (Schulich School of Business）金融學教授 Moshe Milevsky 曾發表研究，指出在過去約 50 年間，浮動利率按揭有 88% 的時間表現優於固定利率。然而，他已五年未更新該研究。「我冇再更新研究，因為而家嘅環境複雜得多。」Milevsky 表示：「而家有好多唔同決定，唔可以再簡單咁用長期定短期去概括。呢點喺討論中已經被忽略。按揭唔只係利率選擇咁簡單。」

Milevsky 強調，現今按揭選擇更偏向行為層面而非純粹數學計算。「有啲人誤以為減息 25 點子就代表買樓變得負擔得起，呢種諗法係錯誤嘅。」他指出，很多借款人根本唔清楚自己按揭結構。「佢哋會話：『我嘅供款係固定嘅』，但其實佢哋係用緊浮息按揭。即使浮息表現好過固定息，都唔重要，最緊要係要配合你嘅財務責任。」

他建議，按揭決定應根據個人情況而定。「如果你份工穩定，例如政府工，可以揀浮息；但如果你喺受關稅影響嘅行業，就應該盡量鎖定利率，咁樣可以少啲煩惱。」

Milevsky 亦指出，加拿大人確實有分散債務風險，但唔一定喺按揭產品入面做到。例如固定利率按揭配合浮息信貸額度，就可以有效分散財務風險。不過，他批評現時登記及解除按揭的行政程序過於落後。「試想像有人話自己屋企有七個按揭，大家只會覺得佢負債累累，而唔係喺做分散風險。」

隨住加拿大中央銀行（Bank of Canada）對減息持審慎態度，加上通脹仍然令人關注，混合式按揭或可成為一項具策略性但未被充分利用的工具。專家呼籲借款人應跳出單純利率比較，深入了解按揭結構如何與自身財務狀況配合，以作出更明智的決策。

🔗資料來源: https://financialpost.com/real-estate/mortgages/fixed-variable-rate-mortgage-third-option-hybrid