加拿大五大銀行之一——豐業銀行（Scotiabank）近日發生嚴重系統故障，導致其網上銀行及手機應用程式大範圍癱瘓，大批客戶無法進行轉帳、繳租或支付賬單，民怨四起。

事件於本周初爆發，豐業銀行於社交平台X發帖稱，其「網上及流動銀行平台上部分帳戶的資金轉帳功能暫時中斷」，並就事件致歉，指正「努力盡快修復問題」。

但講咗好耐都未搞掂。

距離該則帖文發布已過數小時，大批網民湧入留言區怒斥銀行效率極低——

「十個鐘都未搞掂，我要交房租啊，快啲修好你個死人APP啦！」
「到底點呀？由尋日開始就轉唔到帳，有急事要用錢點算？」
「十二個鐘啦哥，我仲有一堆賬單等緊付錢，究竟要等幾耐先搞掂？」

截至5月1日下午5點10分，豐業銀行再度於X發文交代最新情況，稱「技術團隊仍然加緊處理」，但未能提供具體完成時間，令不少用戶更加憤怒。

👉🏻第三方系統搞事？銀行：會補償損失

豐業銀行解釋稱，今次事故源於「由第三方供應商處理資金轉帳時出現問題」，儘管問題已經「技術上修復」，但用戶帳戶餘額等資訊未必即時更新，需時同步。

銀行亦強調，因系統問題而產生的任何費用或罰款，將會為客戶作出賠償，並呼籲受影響用戶保留交易紀錄並主動聯絡銀行申索。

👉🏻用戶無奈：點交租？點交學費？

目前正值每月初，為繳租、繳水電及各類自動轉帳的高峰時段。不少用戶表示因轉帳失敗被房東催促，甚至擔心信用評分受影響。

一位網友留言：「我成日都用Scotiabank交學費，今次死機我錯過繳費截止，點算好？」

亦有小商戶表示因為系統出錯收唔到客戶付款，生意直接受損。

如你亦為受影響用戶，記得保留截圖、發票與通話紀錄，有需要就盡快向銀行提出索償。你又點睇今次事件？歡迎留言討論！